Sundalo patay vs NPA rebs
MANILA, Philippines — Sa ngalan ng sinumpaang tungkulin sa bayan, nagbuwis ng buhay ang isang sundalo makaraang makasagupa ng tropang gobyerno ang grupo ng mga rebeldeng New People’s Army (NPA) sa isang liblib na lugar sa bayan ng Tagkawayan, Quezon nitong Biyernes ng hapon.
Ayon kay Capt. Joash Pramis, tagapagsalita ng Army’s 9th Infantry Division, hindi na muna tinukoy ang nasawing sundalo dahil kailangan pa munang impormahan ang kanyang pamilya.
Sa ulat, dakong alas-12:30 ng hapon nang mangyari ang bakbakan matapos rumesponde ang mga sundalo kaugnay ng ulat sa presensya ng mga armadong rebelde sa bisinidad ng Brgy. Maguibuay sa nasabing lugar
Ang mga rebelde ay nangongotong umano ng pagkain, pera at iba pa at hinaharass pa ang mga naninirahan sa lugar.
Gayunman, sa kasagsagan nang palitan ng putok ay nasapul na ang isang sundalo na nasawi sa insidente.
Tumagal ang bakbakan ng 30 minuto bago nagsitakas ang mga rebelde patungo sa direksyon ng kagubatan bitbit ang mga nalagas sa kanilang puwersa.
- Latest
