Iniwasan ang aso, todas sa semplang
MANILA, Philippines – Hindi na nakuhang magdiwang ng Bagong Taon ang isang 29-anyos na binata matapos bawian ng buhay nang sumemplang sa minamanehong motorsiklo matapos iwasan ang asong papatawid habang bumabagtas sa kahabaan ng CM Delos Reyes Avenue, Brgy. Loma, Amadeo, Cavite.
Kinilala ng pulisya ang nasawing si Ariel Alfredo, construction worker, residente ng #11 P. Zamora St., Brgy. 6 Poblacion, Amadeo, Cavite.
Sa imbestigasyon, dakong alas-2:30 ng hapon ay sakay ang biktima ng kanyang Mitsukoshi Bonus 110 motorcycle at binabagtas ang nasabing lugar nang biglang tumawid ang isang aso.
Dahil sa pagkabigla ay sinubukan ng biktima na ipreno ang motorsiklo, subalit dahil sa may kabilisan ang pagtakbo nito ay hindi nakayanan ng preno kaya’t sumemplang na una ang ulo.
- Latest
