7 bandido utas sa engkwentro

MANILA, Philippines – Pitong bandido, kabilang ang isang kilabot na komander, ang nasawi matapos makaengkwentro ng mga tauhan ng Philippine Marine Corps sa Palimbang, Sultan Kudarat.

Ayon sa mga awtoridad, unang nagpaputok ang mga bandido sa pamumuno ni Jaafar Maguid nang makita niyang papalapit sa kanila ang mga miyembro ng 1st Marine Brigade sa Barangay Butril, Palimbang.

Dumating ang mga sundalo para rumesponde sa umano’y pangingikil ng grupo ni Maguid na pinaghahahanap dahil sa patung-patong na kaso, kabilang ang extortion at pagtutulak ng ilegal na droga.

Bukod sa mga nasawi, nakita ng ilang residente na apat na sugatang bandido ang hila-hila ng kanilang mga kasama.

Iba’t ibang armas at bala ang nakuha ng mga sundalo sa mga nasawing bandido.