Hayskul principal, pinabulagta

NORTH COTABATO, Philippines – Pinabulagta ang 41-anyos na high school principal matapos itong pagbabarilin ng mga di-kilalang kalalakihan sa bahagi ng Barangay San Raymundo, bayan ng Jolo, Sulu kamakalawa ng gabi. Kinilala ang biktima na si Edwin Saraji, principal sa Luuk National High School at nakatira sa Barangay Kakuyagan sa nasabing bayan. Nagtamo ng multiple gunshot wounds sa iba’t ibang bahagi ng katawan kaya agad na namatay. Iniimbestigahan na rin ng Sulu Police Provincial Office ang naganap na pamamaril.