Nene nabaril ng ate, kritikal

LEGAZPI CITY, ALBAY, Philippines - Agaw-buhay ngayon ang isang 3-anyos na batang babae makaraang aksidente itong mabaril ng 10-anyos nitong ate habang naglalaro ang dalawang bata sa tahanan ng kanilang lola sa Brgy. Salvacion, Sto. Domingo, Albay kamakalawa.

Ang biktimang itinago sa pangalang Princess ay patuloy na isinasalba ang buhay sa Bicol Regional Training and Teaching Hospital at ang suspek ay itinago naman sa pa­ngalang Anna. Ang magkapatid ay pawang residente sa lugar. Sa ulat ng Albay Police, dakong alas-11 ng umaga habang masayang naglalaro ang magkapatid sa bahay ng kanilang lola nang mapagkamalang laruan ni Anna ang homemade shotgun na kanilang nakita.Isang putok ang umalingawngaw na tumama sa tiyan ng biktima na mabilis  na isinugod sa pagamutan. Iniimbestigahan pa ang kaso. (Ed Casulla)