Kagawad nagpatiwakal

LEGAZPI CITY, ALBAY, Philippines – Winakasan ng isang Brgy. kagawad ang kaniyang buhay matapos itong magbigti sa ilalim ng punong kahoy sa likuran ng kanilang tahanan sa Brgy. Cabanbanan, Balatan, Camarines Sur kamakalawa ng gabi. Ang biktima ay nakilalang si Brgy. Kagawad Carlito Llorca, 46 anyos, opisyal ng barangay at residente sa lugar. Bandang alas-6 ng gabi ng madiskubre ang bangkay ng biktima na nakabigti sa ilalim ng puno  ng anonang. Pinaniniwalaan namang matinding problema sa pamilya ang motibo ng pagpapatiwakal ng biktima at patuloy rin ang imbestigasyon sa kaso. (Ed Casulla)