Birthday celebrant dedo sa duwelo

QUEZON, Philippines – Madugo ang kinahantungan ng masayang pagdaraos ng birthday ng 30-anyos na obrero matapos itong mapatay sa saksak sa duwelo ng kaalitang kapitbahay sa Barangay Burgos, bayan ng Padre Burgos, Quezon, kamakalawa ng gabi.

Hindi na umabot ng buhay sa Quezon Medical Center ang biktimang si Jose “Okong” Santiago habang pinaghahanap naman ang suspek na si Leogard Fajardong.

Sa ulat ng pulisya, lu­mitaw na nakipag-inuman sa mga kaibigan ang biktima kaugnay ng kanyang kaarawan nang maubusan ng inuming alak. Gayon pa man, nagprisinta ang biktimang bumili sa tindahan na may ilang metro ang layo sa kanyang bahay.

Lingid sa kaalaman ng biktima ay nag-aabang na sa tindahan ang suspek kung saan agad itong hinamon ng duwelo.

Dahil nakainom na ang biktima ay hindi ito umub­ra sa tikas ng suspek kaya napatay sa saksak.