Magsasaka inutas ng kainuman
BULACAN , Philippines – Binaril at napatay ang 53-anyos na magsasaka ng kanyang kainuman sa isa na namang karahasang naganap sa hangganan ng tulay sa Barangay Binagbag- Pulo, bayan ng San Rafael, Bulacan kamakalawa ng gabi. Napuruhan sa ulo ang biktimang si Alfredo Mempin ng Barangay Diliman habang pinaghahanap naman ng pulisya ang suspek na si Alvin Valderama. Ayon kay PO2 Jonathan Altona, naganap ang krimen habang ang suspek at biktima ay magkaangkas sa motorsiklo para bumili ng alak makaraang maubos ang alak sa pakikipag-inuman sa Barangay Pasong Intsik. Narekober sa crime scene ang 19 na bala ng M-16 Armalite rifle habang patuloy naman ang imbestigasyon.
- Latest