Trike vs van: 4 bumulagta
TUGUEGARAO CITY, Cagayan , Philippines – Apat-katao kabilang ang dalawang menor-de-edad ang namatay makaraang suwagin ng delivery van ang kasalubong na traysikel sa kahabaan ng national highway sa Barangay Urayong, bayan ng Caba, La Union noong Miyerkules ng gabi
Kinilala ng pulisya ang mga biktima na sina Benlor Tungpalan, drayber ng trike; Joy Tungpalan, 12; mag-amang Nelvin Basco, at Harold Basco, Harold 12, pawang nakatira sa Barangay Talugtog sa bayan ng San Juan, La Union.
Nabatid na kagagaling lamang ng mga biktima sa lamay ng isa nilang kaanak sa bayan ng Pugo at papauwi na sakay ng traysikel nang makasalubong si kamatayan.
Base sa police report, nawalan ng kontrol sa manibela si Benlor matapos na suÂmabog ang gulong ng trike sa unahan kaya tuluy-tuloy itong nasalpok ng delivery van (REX640) ni Noel de Leon ng bayan ng Rosales, Pangasinan.
Namatay ang mga biktima habang ginagamot sa Ilocos Training and Regional Medical Center sa San Fernando City habang sumuko naman sa pulisya ang driver ng van.

- Latest
