Operasyon ng Roro bus, sinuspinde ng LTFRB
MANILA, Philippines - Sinuspinde kahapon ng Land Transportation Franchising and Regulatory Board (LTFRB) ang operasyon ng may 643 units ng mga Roro bus na may ruta sa Visayas at Mindanao.
Ayon sa LTFRB minabuti ng ahensiya na itigil pansamantala ang operasyon ng Roro bus upang makaiwas sa epekto ng super typhoon Yolanda sa karagatan.
Ang mga Roro bus ay isinasakay sa Roro boats papunta sa ibat ibang destinasyon sa bansa. Ang Roro boats ang pinakamurang sasakyang pandagat na may mga sakay na pasahero papunta sa iba’t ibang panig ng bansa.
Bunga anya ng malalaking alon at malakas na hangin na dala ni Yolanda ay hindi muna pinapayagan na makapunta sa kani-kanilang destinasyon ang mga Roro bus
Sinabi ni Corpuz na oras na lumabas na sa bansa si Yolanda at kumalma na ang karagatan ay balik ulit sa normal na operasyon ang mga Roro bus.
- Latest