Pulis itinumba ng NPA
CAMP SIMEON OLA, Legazpi City , Philippines – Pinabulagta ang beteranong pulis matapos itong pagbabarilin ng mga rebeldeng New People’s Army habang papauwi kamakalawa ng hapon sa Barangay Umabay, bayan ng Mobo, Masbate. Napuruhan sa ulo si PO2 Antonio Lalaguna ng Mobo PNP at residente sa nabanggit na barangay. Sa police report na nakarating kay P/Senior Supt. Eriberto Olitoquit, naganap ang pananambang bandang alas-5 ng hapon habang ang biktima ay naglalakad papauwi mula sa himpilan ng pulisya. Nabatid na pawang mga kabataan ang bumanat sa biktima kung saan sinasabing nasa ilalim ng test mission ang gunmen na naglakad lamang palayo sa crime scene na animo’y walang naganap na pamamaslang.
- Latest