2 todas sa bike crash

BULACAN, Philippines – Dalawa-katao ang iniulat na namatay habang isa naman ang malubhang nasugatan makaraang sumalpok ang motorsiklo sa gilid ng highway sa Barangay Sto.Tomas, bayan ng Sta. Maria, Bulacan kahapon ng madaling-araw. Kinilala ang mga namatay na sina Michael Mijares, 31; at Jerome Evangelista, 15, habang kritikal naman si Alexander Salazar, 35, ng Brgy. Mahabang Parang. Ayon kay PO2 Joey Cabarles, magkaangkas sa motorsiklo sina Mijares at Evangelista nang salpukin ang nakatayong si Salazar sa gilid ng highway. Napag-alamang kapwa lango sa alak ang dalawa kaya naganap ang trahedya.