3 ‘sinalvage’ natagpuan
BULACAN , Philippines — Tatlong kalalakihan na pinaniniwalaang biktima ng summary execution ang natagpuan sa magkahiwalay na lugar sa Meycauayan City at San Jose Del Monte City, Bulacan kahapon ng umaga.
Base sa ulat ng pulisya, naunang natagpuan ng barangay tanod na si Romeo Ferrer ang bangkay ng lalaki na nakasako sa ilog ng Barangay Calvario, Meycauayan City.
May dalawang tama ng bala sa ulo ang biktima na 20 hanggang 25-anyos, may taas 5’5†at nakasuot ng t-shirt na may tatak na Bossini Jeans at berdeng short pants.
Samantala, natagpuan din ang bangkay ng isa pang lalaki sa bisinidad ng Baragnay Graceville, San Jose Del Monte City na may tama din ng dalawang bala sa dibdib.
Kasunod nito, namataan naman ang bangkay ng lalaki na nakalutang sa ilog ng Towerville 6, Brgy.Gaya-Gaya kung saan may tama rin ng bala ng baril sa katawan.
- Latest
