3 magsasaka pisak
NUEVA ECIJA , Philippines – Bumulagta ang tatlong magsasaka makaraang bumangga ang kanilang traysikel sa kasalubong na mini truck sa Barangay Ganduz, bayan ng Pantangan, Nueva Ecija kamakalawa ng hapon.
Kinilala ng pulisya ang mga nasawi na sina Jun Collado, 41; Jesus Valin, 42, kapwa nakatira sa Barangay Sampaloc; at si Joel Gabriel ng Barangay Ganduz. Sugatan naman si Jun Jun Cariaso, 29, ng Barangay Sampaloc.
Sumuko naman ang drayber ng trak (NHE-585) na si Rommel Valdez, 33, ng Barangay Del Pilar, Rizal, Nueva Ecija. Nabatid na napansin ni Valdez na mabilis ang takbo ng traysikel ng mga biktima kaya inihinto nito ang minamanehong trak sa gilid ng kalsada subalit sinalpok pa rin.
Nabatid na nakipag-inuÂman ang mga biktima sa bayan ng Rizal kung saan sinasabing pawang mga lango sa alak ng makasalubong si kamatayan.
- Latest
