Nalunod sa pagsagip sa 6 kaibigan

 RIZAL, Philippines  – Kamatayan  ang sumalubong sa16-anyos na lalak­i  matapos malunod sa pagsagip sa kanyang mga kaibigan mula sa lumubog na bangka sa lawa ng Laguna sa Sitio Sapa, Ba­rangay Mabuhay sa bayan ng Binangonan Rizal, kamakalawa ng hapon. Kinilala ni P/Chief Insp. Bart Marigondon ang nasawi na si Wilfredo Bernardo ng Sitio San Antonio, Brgy. Tayuman sa nasabing bayan. Nabatid na patungo sa kabilang barangay ang magkakaibigan sakay ng bangkang-de-motor nang biglang lumubog dahil sa matinding balya ng alon at hangin. Si Bernardo lamang ang marunong lumangoy kaya isa-isang sinagip ang anim nitong kaibigan na nakakapit sa lumulutang na kahoy patungong pampang. Subalit sa pinakahuling nasagip na kaibigan ay pinulikat na ang biktima kaya nilamon ng tubig.