Kawani ng STL pinabulagta

CAMARINES NORTE, Philippines – Tinambangan at napatay ng mga armadong lalaki ang isang kawani ng Small Town Lottery (STL) sa naganap na panibagong karahasan sa kahabaan ng Vinzons Avenue sa bayan ng Daet, Camarines Norte noong Linggo. Anim na bala ng baril ang tumapos sa buhay ni Rolando S. Fabroa kung saan naisugod pa sa Camarines Norte Provincial Hospital subalit idineklarang patay. Ayon kay P/Supt. Romel Arturo Infante, papauwi na ang biktima mula sa Centro Terminal nang pagbabarilin ng motorcycle-riding gunmen sa harapan ng Uniphil Marketing Corp.