Barangay kinubkob ng MILF rebs

TACURONG CITY – Aabot sa 200 pamilya mula sa Barangay Sangay sa bayan ng Kalamansig, Sultan Kudarat ang iniulat na nagsilikas makaraang lu­subin at kubkubin ng mga rebeldeng Moro Islamic Liberation Front (MILF) ang kanilang lugar, noong gabi ng Miyerkules.

Ayon sa ulat ni Kala­mansig Mayor Rolando Garcia, pinasok ng mga rebeldeng MILF ang na­banggit na barangay at agad ipinag-utos sa mga residente na magsilikas.

Dahil sa takot, agad na nagsilikas ang mga resi­dente na karamihan sa ka­nila ay mga Ilokano at Ilonggo, at pansaman­ta­lang nani­nirahan sa Pobla­cion ng Kalamansig, ayon kay Mayor Garcia.

Ayon kay Garcia, ang malawak na lupain ng Ba­rangay Sangay ay minana pa ng mga Ilokano at Ilong­go sa kanilang mga ni­ nuno.

Nanguna sa paglusob sa naturang lugar ay si Commander Boyet na nag­mula sa Barangay Kulong-Kulong sa kalapit bayan sa Palem­bang, Sultan Kuda­rat.

Nangako naman si MILF Spokesman Eid Kabalu na kanilang beberipikahin ang impormasyon.

“But we have not received the report yet, we are verifying it,” saad ni Kabalu.