Sa 18-pahinang desisyon ni Judge Andres Soriano ng Malolos Regional Trial Court, Branch 13, napatunayang nagkasala sina Ronald Quesada, 39; at pinsang nitong si Kristin Cardoza-Ocampo, 21, sa kasong panggagahasa laban sa biktimang itinago sa pangalang Flor na isang katulong ng kapitbahay ng mga Quesada na sina Paul at Amy Galang.
Inatasan din ng korte na magbayad ng P50,000 ang magpinsan sa biktima. Sa rekord ng korte, dalawang beses na ginahasa ni Quesada ang biktima noong Setyembre 15, 2003 sa ikalawang palapag ng kanilang paupahang apartment sa nabanggit na barangay.
Sa kanyang malayang salaysay sa Korte, sinabi ng biktima na siya ay 17-anyos noong siya ay gahasain ni Quesada sa tulong ng pinsang si Ocampo.
Pinabulaanan naman ni Quesada ang akusasyon dahil sa pagiging isang paralitiko noong siya ay bata pa. Iginiit din niya na naimpluwensiyahan lamang ang biktima ng ibang tao kaya nagsampa ng kaso.
Tumestigo rin si Melvin Maramot, isang physical therapist para kay Quesada, subalit hindi rin nakumbinse si Judge Soriano, kaya habambuhay na pagkakulong ang inihatol.
"Mag-aapela na lang kami sa Court of Appeals," ani Quesada sa panayam ng PSN. (Dino Balabo)