Magsasaka tinodas habang natutulog

CARMONA, Cavite – Niratrat hanggang sa mapatay ang isang magsasaka ng hindi kilalang lalaki na pinaniniwalaang may matinding galit sa biktima habang natutulog sa sariling kubo kahapon ng madaling-araw sa Sitio Pasong Saging, Brgy. Maduya sa bayang ito.

Ang biktima na binistay ng bala ng baril ay nakilalang si Domingo Lubiano, 33, alyas Abel, may asawa, tubong Paracale, Camarines Norte, samantala, ang suspek na pinaniniwalaang kakilala ng biktima ay biglang naglaho sa dilim matapos isagawa ang krimen dakong alas-2 ng madaling-araw. (Ulat ni Mading Sarmiento)