Ang mga naarestong suspek ay nakilalang sina Wilmor Avenue, 19 ng nasabing barangay; Romy Suarez, 30, driver at Gilbert Flores, 45, karpintero pawang tubong Capiz.
Patuloy naman ang pagtugis sa apat pang miyembro na nakilalang sina Buboy Marcial; Levi Salazar at magkapatid na Romy at Roger Due.
Nasamsam ng mga awtoridad ang libu-libong kable ng kuryente ng Napocor na nakabase sa Sitio Pudadero, Brgy. Halay-halay, Siniloan at ang sasakyan na may plakang VBC-220 na gamit ng mga ito sa kanilang operasyon.
Napag-alaman na ang grupo ay responsable sa pagnanakaw ng 2000 kilo ng kable ng kuryente na nagkakahalaga ng milyong piso noong Nobyembre 14.
Hindi alam ng mga suspek na nakaabang ang mga awtoridad na nakakita sa pagpasok ng kanilang sasakyan na naglalaman ng mga kableng ninakaw.
Ang mga suspek na nakakulong sa Camp Crame ay nahaharap sa kasong RA 7832 o Anti-Pilferage Act. (Ulat ni Ed Amoroso)