Magsasaka tinodas sa harap ng asawa

RAGAY, Camarines Sur – Isang 34-anyos na magsasaka ang pinagbabaril hanggang sa mapatay ng mga miyembro ng rebeldeng New People’s Army (NPA) sa harapan ng kanyang asawa sa loob ng kanilang bahay sa Barangay F. Simeon ng bayang ito, kamakalawa ng gabi.

Ang biktima na nagtamo ng bala ng baril sa ulo ay nakilalang si Jaime Ferrer ng naturang lugar.

Napag-alaman sa ulat ng pulisya, pinasok ng mga rebelde ang bahay ng mag-asawang magkasamang kumakain dakong alas-7 ng gabi at kaagad na pinaputukan ang biktima.

Kasalukuyang inaalam ng pulisya ang motibo ng mga rebelde sa pagpatay sa biktima. (Ulat ni Ed Casulla)