Ang biktima na nasawi noon din ay nakilalang si Danilo Portin,38, samantalang boluntaryo namang sumuko sa mga awtoridad ang suspect na si Nestor Natividad, 40 , mananahi at kapwa residente sa naturang lugar.
Batay sa isinagawang imbestigasyon ng pulisya, dakong alas-9 ng gabi ay tahimik na nanonood ng telebisyon ang suspect ng ito ay gulantangin ng sunod-sunod na malalakas na bagsak ng bato sa bubungan ng kanyang bahay.
Sumungaw ito sa bintana at nakita ang biktima na may hawak pang bato at akma muling ipupukol sa kanyang bahay.
Pinakiusapan umano ng suspect ang biktima na tigilan na ang pambabato, subalit imbis na tumigil ay binato pa ng biktima ang mukha ng suspect.
Dahil sa galit ay pumunta sa kusina ng kanyang bahay ang suspect at kinuha ang isang jungle bolo. Mabilis itong nanaog ng bahay at saka inundayan ng taga ang biktima sa ibat-ibang bahagi ng katawan na naging dahilan ng agaran nitong kamatayan. (Ulat ni Tony Sandoval)