Aussie kulong ng 40-taon sa pag-rape sa Pinay

MANILA, Philippines — Isang Australian na naninirahan sa Pilipinas simula pa 2011 sa pamamagitan ng special resident retirement visa ang nahatulan ng reclusion perpetua na may katumbas na pagkakulong ng 40 taon sa panghahalay sa isang Pinay noong 2013 sa Bulacan.

Batay sa 24-pahinang kautusan ni Judge Golda Pablo-Salamat ng Malolos Bulacan Regional Trial Court, Branch 78, si Roland Ian Cole ay hinatulan ng guilty at pinatawan ng parusang reclusion perpetua at pinagbabayad ng danyos na P225,000.00 sa kaniyang biktima.

Sa record, ang biktima na  naninirahan sa isang unit na pag-aari ni Cole sa San Jose del Monte, Bulacan, ay ginahasa noong 2013.

Habang maysakit ang biktima at binigyan siya nito ng gamot na makakapagpagaling umano, subalit nakaram­dam ng panghihina at pangmamanhid ang biktima na hindi na nagawang manlaban nang siya ay abusuhin at gahasain.

Naulit pa ng mahigit sa 10 beses ang panggagahasa at hindi bababa sa tatlong beses sa loob ng isang Linggo ng Enero 2013.

Depensa lamang ni Cole na gawa-gawa lang ng biktima ang akusasyon at ‘delusions’ lamang dahil gumagamit umano ito ng iligal na droga, na hindi tinanggap ng hukom ang nasabing pagtanggi.

“Rape is a crime that is always committed in isolation or in secret, usually leaving only the victim to testify about the commission of the crime.  As such, the accused may be convicted of rape on the basis of the victim’s sole testimony provided such testimony is logical, credible, consistent and convincing,”saad sa desisyon.

“Complainant sufficiently established the fact of rape and identified the accused as the one who had carnal know­ledge with her,” dagdag pa ng korte.

“Furthermore, against the straightforward and categorical testimony of the complainant, accused only offered bare denial.  Accused was not able to establish any ill motive that could have compelled complainant to falsely accuse him of rape,” ayon sa kautusan ni Judge Pablo-Salamat.