Transport group sa LTFRB: Expansion ng MC Taxi service, tigil na!
MANILA, Philippines — “Itigil na ang expansion ng MC Taxi service sa bansa.”
Ito ang naging panawagan ng iba’t ibang grupo ng transportasyon mula sa samahan ng mga taxi, tricycle, bus,traditional at airconditioned jeep, UV express at TNVS sa Land Transportation Franchising and Regulatory Board (LTFRB).
Ayon kay Lito Legaspi ng Nat’l Confederation of Tricycle Operators and Drivers Assn. of the Philippines (NACTODAP) na hindi naman tutol ang mga tricycle sa operasyon ng MC Taxi Service pero hindi na dapat pang paramihin ang kanilang bilang.
Sinabi naman ni Ariel Lim ng Public Transport Coalition na dapat munang pag-aralan o rebyuhin ang nabanggit na alokasyon dahil marami ang maaapektuhan partikular ang mga driver ng tricycle, truck, modernize minibus, courier riders, maging ang mga taxi at bus drivers.
Umaabot na lamang anya ngayon sa P300 hanggang P400 ang take home pay ng mga driver ng taxi at umaabot na lamang sa P700 ang boundary na kulang pa sa maintenance fee ng sasakyan.
Umaasa ang mga transport groups na mabibigyan sila ng maayos na programa at mapapakinggan ang kanilang hinaing upang hindi mamatay ang kanilang kabuhayan.
- Latest
