P358 milyong pekeng sigarilyo samsam sa Cavite
MANILA, Philippines — Umiskor ang pinagsanib na elemento ng mga awtoridad matapos na masamsam ang aabot sa 3.12 milyong pakete ng counterfeit o mga pekeng sigarilyo sa magkakahiwalay na raid sa Dasmariñas City at Indang, Cavite kamakalawa.
Ang raid ay isinagawa ng National Bureau of Investigation (NBI) at Bureau of Internal Revenue pagkaraang malansag ang illegal na kalakalan ng pekeng sigarilyo sa nasabing mga lugar.
Unang sinalakay ang isang bodega sa Dasmariñas City at nakumpiska mula dito ang 1.6 milyong packs ng illegal na sigarilyo na tinatayang nasa P184.7 milyon ang halaga.
Isa pang pasilidad sa Dasmariñas ang nakunan ng 408,000 packs ng pekeng sigarilyo na na sa P46.76 milyon.
Samantalang sa pabrika sa Indang, nasa 1.1 milyong packs ng mga pekeng sigarilyo ang nakumpiska na nagkakahalaga naman ng P126.6 milyon.
- Latest