Walang maiiwan, magugutom sa ‘Bagong Pilipinas’ – Pangulong Marcos
MANILA, Philippines — Tiniyak kahapon ni Pangulong Ferdinand “Bongbong” Marcos Jr. sa sambayan na walang Pilipinong maiiwan at magugutom sa kanyang programang “Bagong Pilipinas”.
Ang paniniyak ay ginawa ng Pangulo sa kanyang talumpati sa ceremonial palay harvesting at distribution ng iba’t ibang ayuda sa mga magsasaka sa Candaba, Pampanga.
Ayon sa Punong Ehekutibo, mayroon nang modernong kagamitan at sapat na ayuda sa pamahalaan ng mga nasa sektor ng agrikultura. Malaking tulong din aniya ang kooperasyon ng bawat isa para lalong gumanda ang lagay ng Pilipinas.
Tiniyak din ng Pangulo na palalakasin pa ang pundasyon nito para masiguro na magiging masagan ang ani ng mga magsasaka
Nasa 12,000 magsasaka, 10 kooperatiba at asosasyon ang binigyan ni Pangulong Marcos ng hauling trucks, seeds, financial assistance at iba pang tulong.
Samantala, sinaluduhan din ng Pangulo ang dedikasyon ng mga magsasaka.
- Latest
