NBI nagbabala kontra love scams
MANILA, Philippines — Binalaan ng National Bureau of Investigation (NBI) ang publiko laban sa mga online love scammer na naghahanap ng kanilang bibiktimahin para mahuthutan ng pera ngayong buwan ng ‘peb-ibig’.
Sinabi ni NBI- Anti-Cybercrime Division executive officer Raymond Panotes na maging mapagbantay at mapanuri ang publiko bago sila pumasok sa isang online relationships, lalo na sa mga indibidwal na hindi pa nila nakita ng personal.
Ilan sa common modus operandi ng scammers ay pagkontak sa social media, gagawa ng isang romantic connection sa pamamagitan ng chat, at kasunod ay paghingi ng pera dahil may ipapadalang mga packages na kailangang bayaran sa customs.
Noong Enero 31,ang Cybercrime Investigation and Coordinating Center (CICC) ay nagsagawa ng kampanya na #UnmatchPH campaign bago ang Valentine’s Day upang maitaas ang awareness at pag-iingat sa mga Filipino netizens sa love scams.
- Latest