Kaso ng dengue sa Pinas, bumababa na
MANILA, Philippines — Iniulat ng Department of Health (DOH) ang unti-unti nang pagbaba ng sakit na dengue sa bansa simula noong nakaraang buwan.
Ayon sa ahensya, naitala ang 10.96% na pagbaba o katumbas ng 12,169 mula October 15 hanggang October 25 kumpara sa 12,619 ng October 1-14.
Wala na ring rehiyon sa Pilipinas ang nakapagtala ng pagtaas ng kaso sa nakalipas na anim na linggo mula October 1 hanggang November 11.
Tanging ang mga Region 2, 5 at 7 na lamang ang may mga naiulat na mga bagong kaso ng dengue sa nakalipas na apat na linggo.
Sa mga bagong kaso na ito, 614 ang namatay na katumbas ng 0.34% na fatality rate.
Patuloy naman nananawagan ang DOH sa 5S strategy para labanan ang dengue. 1)Search and destroy; 2) Self-protect; 3) Seek consultation; 4) Support fogging sa mga outbreak areas; at 5) Sustain hydration.
- Latest
