MANILA, Philippines — Nakatakda nang hulihin ng mga tauhan ng Metropolitan Manila Development Authority (MMDA) ang mga driver ng mga sasakyang may plakang ‘8.’
Ito’y matapos na magkausap sina MMDA Chairman Armando Artes at House Secretary General Reginald Velasco, kamakalawa ng gabi at kinumpirma na ang mga nakalabas na plakang ‘8’ ngayon ay paso na at wala pa rin aniya silang iniisyung bagong “special plates” para sa mga mambabatas.
Tiniyak rin ni Velasco kay Artes na hindi nila kukunsintihin ang paggamit ng mga hindi otorisado at ilegal na espesyal na plaka dahil ito ay banta sa public safety at nagpapahina sa integridad ng vehicle registration system.
Magugunita na ilang sasakyang may plakang 8 ang nasita ng mga tauhan ng MMDA matapos na dumaan sa EDSA Bus Carousel.