Tatay ng Ateneo gunman, itinumba
MANILA, Philippines — Patay sa pamamaril ang tatay ni Dr. Chao-Tiao Yumol, ang suspek sa pamamaril sa Ateneo de Manila University, naganap kahapon ng umaga sa harap ng bahay nito sa Lamitan City, Basilan.
Ang biktima na idineklarang dead-on-arrival sa ospital ay nakilalang si Rolando Yumol, 69, retiradong pulis, residente ng Rizal St., Brgy. Maganda, Lamitan City, Basilan.
Nagsasagawa naman ng follow-up investigation ang Police Regional Office ng Bangsamoro Autonomous Region (PRO-BAR) laban sa ri-ding-in-tandem suspects.
Batay sa ulat, alas-6:30 ng umaga ay nakatayo sa harap ng kanilang bahay ang biktima nang dumating ang isang motorsiklo lulan ang mga suspek at agad na pinagbabaril ang biktima.
Nang bumulagta ang biktima ay mabilis na tumakas ang mga suspek habang ang una ay dinala sa Lamitan District Hospital, subalit idinekla-rang dead-on-arrival.
Nakuha sa crime scene ang tatlong basyo ng Cal. 45 at isang Pistol Cal. 45 na hawak ng biktima.
Ayon naman sa PNP, wala pa silang nakikitang koneksiyon na pamilya Furigay ang nasa likod ng pagpatay sa ama ni Dr. Yumol.
Matatandaang ang batang Yumol ang bumaril at nakapatay kina dating Lamitan City Ma-yor Rose Furigay, aide nitong si Victor Capis-trano at ang Ateneo security guard na si Jeneven Bandiala noong Hulyo 24 sa loob ng unibersidad.
Si Yumol ay agad na naaresto at tinukoy ng pulisya na personal na galit ang motibo sa likod ng pagpatay.
- Latest