Bayad sa Smartmatic, pinigil muna
MANILA, Philippines — Dahil sa umano’y maraming aberya sa isinuplay na vote counting machines (VCM) ng kumpanyang Smartmatic ay hindi muna magbabayad ang Commission on Elections (Comelec).
Sinabi ni John Rex Laudiangco, acting spokesperson ng Comelec, sa press conference sa Philippine International Convention Center (PICC), na may gumugulong nang imbestigasyon ukol sa mga alegasyon sa mga VCMs at nanawagan na hayaan muna ng publiko na matapos ang proseso.
Hindi rin masabi ni Laudiangco kung mailalagay sa ‘blacklist’ ng Comelec ang Smartmatic dahil sa mga kapalpakan dahil sa kailangang hintayin pa rin ang resulta ng imbestigasyon at ipag-utos ng Commission en banc.
Sa ilalim umano ng Government Procurement Act, may mga panuntunan kung paano madidiskuwalipika ang isang contractor at ito ang dapat sundin.
Nauna nang inihayag ni Comelec Commissioner George Garcia na hindi na nila gagamitin ang mga VCM ng Smartmatic sa susunod na halalan sa 2025 dahil sa pagiging luma na nito tanda ng pagkasira ng mga units noong araw ng eleksyon.
- Latest