9 pulis na sangkot sa pagpatay sa Mayor ng Calbayog City, sumuko
MANILA, Philippines — Siyam na pulis na sangkot sa pagpatay kay Calbayog City Mayor Ronaldo Aquino at kasamahan nito noong Marso 2021 ang sumuko kahapon sa Philippine National Police - Criminal Investigation and Detection Group.
Kinilala ang mga ito na sina PLt. Col. Harry Villar Sucayre, team leader; P/Major Shyrile Co Tan; P/Captain Dino Laurente Goles; P/Lt. Julio Salcedo Armeza, Jr.; P/Staff Sergeant Neil Matarum Cebu; P/Staff Sergeant Edsel Tan Omega; Pat.Niño Cuadra Salem; P/Corporal Julius Udtujan Garcia at P/Staff Seargeant Randy Caones Merelos na sumuko, alas-7:00 ng Martes.
Batay sa record, 4 counts ng murder ang isinampa laban sa mga pulis dahil sa pagkamatay ni Aquino, security escort nito na si Rodeo Stario, driver na si Dennis Abayon, at sibilyan na si Clint Paul Yauder habang sinampahan din ng frustrated murder sa biktimang si Mansfield Labonite na personal security aid na nasugatan sa insidente.
- Latest
