PNP: 489 lugar na lang ang naka-granular lockdown
MANILA, Philippines — Nasa 489 na lamang ang kabuuang lugar na nasa ilalim ng granular lockdown dahil sa COVID-19, ayon sa Philippine National Police.
Sa Laging Handa press briefing, sinabi ni PCol. Jean Fajardo, spokesperson ng PNP na pinakamarami sa mga naka-granular lockdown ay nasa Cordillera region.
“As of February 4…eh bumaba na po ‘yung mga areas under granular lockdown. Nasa 489 na lang po ang total number of areas na nasa granular lockdown…buong kabuuan na po ‘yan, ang pinakamarami na areas na nasa granular lockdown ay nasa Cordillera Region.
Sinabi ni Fajardo na nasa 391 ang naka-granular lockdown sa Cordillera Region; 81 sa Region 2 at ang iba pa ay nasa ibang lugar.
Samantala, ang mga nabigyan naman ng warning dahil sa paglabag sa protocols at restrictions ay nasa 97,336 na karamihan ay nasa National Capital Region.
Ayon pa may Fajardo, nasa 10,000 ang napatawan ng penalty sa buong kapuluaun. Sa mga nabigyan ng warning, 12,000 ang mula sa NCR at nasa 3,600 naman ang nagbayad ng fine.
- Latest
