12 probinsya mayroon nang 4G LTE network

MANILA, Philippines — Kasunod nang pagkumpleto ng Globe network sa modernisasyon ng mga cell sites ay maraming mga customer sa Batangas, Bohol, Bukidnon, Davao del Sur, Davao del Norte at pitong iba pang lalawigan ang magkakaroon na ng mas mahusay na pag-access sa 4G LTE network.

Mula sa lumang 3G network, nakapag-upgrade na sa 4G LTE ang Globe ng hindi bababa sa 507 sites sa buong probinsya ng Batangas at nailipat din nito sa bagong pamantayan ng mobile data ang 488 na mga site sa Metro Manila at 450 na mga site sa Cebu.

Ayon kay Joel Agustin, Globe SVP para sa Program Delivery, Network Technical Group na ang mga pagpapabuti sa network ay magdadala ng mas mahusay na mga serbisyo sa data, SMS, at pagtawag sa mga customer lalo na sa mga lugar na higit na nangangailangan ng connectivity.

May 366 na mga sites sa Davao del Sur;126 sites sa Davao del Norte; Bukidnon ay 79 sites;Bohol ay 85 sites,Cagayan; 88 sa Rizal; 195 sa Cavite; 328 sa Laguna, at 358 sa Pampanga.