PNP hawak na ang 7 pulis na sangkot sa pagpatay sa Calbayog City Mayor
MANILA, Philippines — Nasa kustodiya na ng Philippine National Police ang pitong pulis na sangkot sa pagpaslang kay Calbayog City Mayor Ronald Aquino upang harapin ang imbestigasyon ng National Bureau of Investigation (NBI) sa pagpaslang kay Calbayog City Mayor Ronald Aquino.
Ayon kay PNP chief Gen. Guillermo Eleazar, isasailalim sila sa kustodiya ng Integrity Monitoring and Enforcement Group at Police Regional Office ng Eastern Visayas.
Ang mga ito ay kinilalang sina Police Lt. Col. Harry Sucayre; Police Maj. Shyrile Tan; Police Capt. Dino Goles; Police Lt. Julio Armeza Jr.; Police Senior Sgt. Neil Cebu; Police Senior Sgt. Edsel Omega; at Patrolman Nino Salem na sinampahan ng NBI ng kasong murder at frustrated murder.
Matatandaang nagtamo ng 21 tama ng bala ng baril si Aquino nang umano’y ambusin sa Brgy. Lonoy, Calbayog noong Marso 8 na kung saan ay napatay din ang close in security nito na Police Senior Sgt. Rodio Sario; driver na si Dennis Abayon; Police Capt. Joselito Tabada; Police Senior Sgt. Romeo Laoyon; at sibilyan na si Clint John Paul Yauder.
- Latest
