Special session para sa Bayanihan 3, hinirit kay PRRD
MANILA, Philippines — Upang maipasa kaagad ang Bayanihan 3 sa apektado ng pandemya ay hiniling ni Senate Minority Leader Franklin Drilon kay Pangulong Rodrigo Roa Duterte na magpatawag ng special session.
Sinabi ni Drilon na kailangan ng bagong batas upang punan ang nauubos na war chest ng pamahalaan laban sa COVID-19 upang matulungan ang mahihirap na pamilyang lubhang apektado ng pandemya.
Naalala ni Drilon kung paano nagutom ang mahigit 7.6 milyong pamilya matapos ipatupad ang lockdown, pinakamatagal sa buong mundo.
Umabot din sa 17.7% ang unemployment rate na may 7.3 milyong Filipino ang nawalan ng trabaho noong nakaraang Abril 2020 sanhi ng lockdown.
Nilinaw pa ng senador na handa sila sa Senado na talakayin ang Bayanihan 3 para sa mga mahihirap na kababayan dahil magbibigay ito ng karagdagang tulong sa milyong empleyado na nawalan ng trabaho dahil sa pandemic.
- Latest