Reporma sa ekonomiya kinilala ng DOF at NEDA
MANILA, Philippines — Kinilala ng Department of Finance (DoF) at National Economic and Development Authority (NEDA) ang naging papel ni Albay Rep. Joey Sarte Salceda sa mga pang-ekonomiyang reporma sa Pilipinas.
Pinasalamatan nina Finance Secretary Carlos S. Dominguez at Acting Socioeconomic Planning Secretary Karl Kendrick T. Chua si Salceda sa “napakahalagang pagtulak niya sa Kongreso ng ‘Corporate Income Tax and Incentives Rationalization (CITIRA) Act, na ngayon ay tinatawag ng ‘Corporate Recovery and Tax Incentives for Enterprises (CREATE) Act’” na nilagdaan na ni Pangulong Duterte noong nakaraang ika-26 ng Marso.
Si Salceda, chairman ng House Ways and Means Committee ang pangunahing may-akda ng CREATE Act (RA 11534) ay nakikitang magbibigay ng pinakamalaking katipiran sa buwis sa pribadong sektor na tinatayang aabot sa P7.1 trillion at lilikha ng isa hanggang 1.4 milyong mga trabahong kapaki-pakinabang sa susunod na 10 taon.
Tiniyak din nina Dominguez at Chua na makikipagtulungan sila kay Salceda sa pagpasa ng natitira pang mga panukala para sa komprehensibong reporma sa buwis at ‘economic recovery programs’.
- Latest