Pagkain ibabawal sa sinehan, 5 magkakatabi sa upuan pwede
MANILA, Philippines — Saka lang magsimula ang re-opening ng mga sinehan, sinabi ni Department of Trade and Industry (DTI) na mahigpit na ipagbabawal ang pagkain at inumin sa loob pero papayagan naman ang pagtatabi-tabi ng hanggang limang indibiduwal mula sa iisang grupo o “social bubble”, ayon sa Department of Trade and Industry (DTI).
Ayon kay Trade Secretary Ramon Lopez, ito ang nilalaman sa draft guidelines ng DTI na ibinigay nila sa Metro Manila mayors kabilang na ang mandatory na pagsusuot ng face masks at face shields sa loob ng sinehan.
Gayunman, hindi pa aniya, pinal ang nasabing guidelines na maaari pang dagdagan ng mga alkalde at nilinaw na hindi niya imbento ang draft kundi pinag-aralan ng mga eksperto at technical working groups.
Sinabi naman ni Metro Manila Development Authority (MMDA) General Manager Jojo Garcia, kahit pabor ang mga alkalde na ilagay na sa modified general community quarantine (MGCQ) ang National Capital Region (NCR), tutol pa rin sila sa pagbubukas ng mga sinehan.
Tiniyak din ni Pasig City Mayor Vico Sotto na mananatili pa ring sarado ang mga sinehan sa lungsod kapag ipinatupad ang MGCQ sa Metro Manila. - Mer Layson
- Latest