Mahigit 320K OFWs napauwi na – DOLE
MANILA, Philippines — Halos 320 libong returning overseas Filipino workers ang napauwi na ng gobyerno.
Sa pinakahuling ulat na natanggap ni Department of Labor and Employment (DOLE) Secretary Silvestre Bello III, mula sa Philippine Overseas Workers Welfare Administration (POEA) na 319,333 OFWs ang naihatid na sa kani-kanilang mga probinsya hanggang noong Sabado ay masuri na negatibo sa Covid-19.
Ngayong buwan lamang ng Nobyembre, nasa 38,516 OFWs na ang naihatid sa kanilang destinasyon.
Ang OWWA ang siyang nangangasiwa sa hotel accommodation at pagkain habang naghihintay ang mga OFWs ng resulta ng kanilang Covid-19 test mula sa kanilang pagdating sa bansa.
Pinamamahalaan din ng DOLE ang transportasyon pauwi sa kanilang mga probinsya kapag sila ay cleared na sa virus.
- Latest