Tinyente itinumba ng tandem sa Quezon City
Niratrat habang nagpapagasolina
MANILA, Philippines — Isang opisyal ng PNP ang patay nang pagbabarilin ng riding-in-tandem habang nagpapakarga ng gasolina sa Brgy. Culiat, Quezon City kahapon ng umaga.
Agad nasawi ang biktimang si PLt. Samad Baharan, 53, nakatalaga sa Police Community Affairs and Development Group sa Camp Crame.
Sa ulat ng QC Police District, alas-9:00 ng umaga habang nagpapakarga ng gasolina sa kanyang motorsiklo ang biktima sa Tandang Sora Avenue nang pagbabarilin ng mga suspek na magkaangkas sa motorsiklo.
Ayon sa anak ng biktima, bago ang insidente ay may nakasagutan na kapitbahay ang pulis dahil sa problema sa tubo ng tubig na inaalam na ng pulisya kung may kinalaman ito sa pagpatay.
Nabatid na kaka-promote lang ng naturang pulis ngayong taon at nakatakda na sanang magretiro sa 2021.
- Latest