Singil sa Meralco, bababa ngayong Agosto
MANILA, Philippines — Ngayong Agosto ay aabutin ng mahigit sa 20 sentimo kada kilowatt hour (KWH) ang magiging bawas-singil sa kuryente ng Manila Electric Company (Meralco).
Ang pagbaba ng singil ay bunsod na rin ng pagbaba ng generation charges ng 21.03 sentimo/kWh at naging P4.1241/kWh na lamang nitong Agosto.
Ang mga residential customer na nakakakonsumo ng 200 kWh kada buwan ay makakatipid ng P41 sa kanilang bayarin at P62 naman ang matitipid ng mga nakakagamit ng 300 kWh kada buwan; P82 sa mga kumukonsumo ng 400 kWh at P103 sa mga tahanang nakakagamit ng 500 kWh kada buwan.
- Latest