2 timbog sa P6.8 milyong shabu sa mall
MANILA, Philippines — Naaresto ng mga otoridad ang dalawang lalaki sa isang buy-bust operation sa parking lot ng isang mall sa Bacoor City, Cavite, kamakalawa.
Ang mga nadakip ay kinilalang sina Jeffrey Garcia Santos, 39, ng Don Carlos Village, Pasay City at Alexander Maulha Said, 28, ng Culiat, Tandang Sora, Quezon City at nakumpiska sa kanila ang nasa 1000 gramo ng shabu na aabot sa halagang P6,800,000.00.
Sa ulat, alas-11:00 ng umaga nang magsagawa ng buy-bust operation ang puwersa ng PDEA Regional Office IV-A (PDEA ROIV-A) Regional Special Enforcement Team at PDEA Cavite, Regional Intelligence Division/Regional Drug Enforcement Unit ng Philippine National Police Regional Office IV-A sa isang parking lot ng mall sa Bacoor City, ng lalawigan at isang PDEA member ang nagpanggap na buyer.
Nang magkasundo ay ginawa ang drugdeal sa parking lot kung saan nakapalibot na dito ang mga otoridad at pagdating ng mga suspek ay mabilisan ang abutan ng items kaya’t dito na inaresto ang dalawa.
- Latest
