Sen. Go, isinulong ang pagtatatag ng Medical Reserve Corps
MANILA, Philippines — Isinusulong ni Senador Christopher Lawrence “Bong” Go ang pagtatatag ng Medical Reserve Corps para mapadali ang pagresponde ng pamahalaan kapag may nararanasang health emergencies sa bansa.
Sa ilalim ng Senate Bill No. 1451 o “Medical Reserve Corps Act of 2020,” target nitong makalikha ng Medical Reserve Corps na bubuuin ng mga nagtapos sa medisina, nursing, medical technology, at iba pang health-related fields na may lisensya.
Ipinupunto ni Go ang kaso ng COVID-19 sa bansa kung saan naging punuan ang mga pribado at pampublikong ospital.
Anya, ang kakulangan ng medical personnel ang isa sa mga naging dahilan kung kaya naging mabagal ang pagresponde sa COVID-19.
Kapag naging batas ang panukala ni Go, maaring ipatawag ang Medical Reserve Corps para ayudahan ang national government sa anumang national emergencies.
Ang kalihim ng Department of Health ang mangunguna sa mobilization base na rin sa pakikipagtulungan sa Secreta-ries of of National Defense, Education, and Interior and Local Government.
- Latest