Mas maraming dayuhang trader hikayatin na mamuhunan-Go
MANILA, Philippines — Mas marami pang dayuhang negosyante ang hikayatin ng pamahalaan para mamuhunan sa bansa partikular na sa mga rehiyon na hindi pa masyadong na-dedevelop.
Ito ang mungkahi ni Senador Bong Go dahil ang nasabing hakbang ay magiging suporta sa long term plan para sa pagpapatupad ng “Balik-Probinsiya” program kapag nalampasan na ang COVID-19 pandemic.
Sinabi ni Go,dahil sa problemang dulot ng nasabing virus sa iba’t ibang bansa sa mundo kaya maraming mga negosyo ang nagnanais na pumunta sa mga bansang may mas murang production cost at skilled workforce.
Kaya magiging oportunidad umano ito sa Pilipinas para mahikayat ang mga negosyo na dito na lamang mamuhunan sa mga probinsya at Pilipinas at magiging daan din ito para sa paghahanda sa implementasyon ng “Balik Probinsiya”program, gayundin din para mapalakas ang regional development.
- Latest
