Kagawad nahulog sa patrol car, patay
MANILA, Philippines — Dead on the spot ang isang barangay kagawad matapos una ang ulo na bumagsak sa kalsada nang sumemplang ang barangay patrol car na kanyang sinasakyan nang tangkaing iligtas ang isang senior citizen na nasagi naganap kahapon ng umaga sa Brgy. Anabu 2-D, Imus City, Cavite.
Ang nasawi ay kinilalang si Dante Deluz , 56, may-asawa, kagawad ng Brgy, Malagasang, Imus City.
Sa ulat, bago nangyari ang aksidente alas-7:30 ng umaga ay sakay ang biktima ng barangay patrol na Kawasaki Bajaj tricycle na pag-aari ng Kapitolyo ng Cavite na minamaneho ni Kagawad Eduardo Lansangan, 46 at habang bumabagtas sa nasabing lugar ay nakasabayan nito ang isang E-bike na minamaneho ni Efren Sico,71, ng 186 Lance Ville, Brgy. Malagasang 2-A Imus City, Cavite at aksidente nasabitan ng patrol ang E-bike dahilan upang tumagilid ito.
Tinangkang isalba ng biktima ang E-bike ng matanda, subalit nalaglag ito habang umaandar.
- Latest
