Ginang timbog sa P1.3 milyong shabu

MANILA, Philippines — Isang 53-anyos na ginang ang naaresto ng mga otoridad sa isinagawang drug buy-bust operation kahapon sa Brgy. Datu Esmael, Dasmariñas City, Cavite.

Ang suspek ay kinila­lang si Flordelinda Cornell, tubong Zamboanga del Sur at residente ng nasabing barangay.

Sa ulat, nagsagwa ng sa joint operation ang Cavite Provincial Intel Unit at  Dasmariñas PNP Drug Enforcement team sa nasabing lugar para isagawa ang buy-bust operation.

Nagpanggap ang isang pulis na buyer ng shabu at nang makabili na ng items ay sumenyas ito para arestuhin ang suspek.Nakumpiska sa suspek ang nasa 200 gramo ng shabu na nagkakahalaga ng P1,360,000.00.

Nabatid na kahit naka total lockdown ang lalawigan ay patuloy pa rin ang pagtutulak ng suspek ng droga sa kanyang mga kliyente.