Salpukan ng motor at van: 3 patay
MANILA, Philippines — Nagkalasug-lasog ang katawan ng tatlong sakay ng motorsiklo matapos makabanggaan nila ang kasalubong na van sa kahabaan ng highway ng Purok-5, Brgy. Balasbas, Manito, Albay kamakalawa ng hapon.
Tinangka pang isugod sa Manito Municipal Hospital pero idineklarang dead-on-arrival ang rider na si Rafael Trilles,55-anyos, mga angkas na sina Jessie Trilles, 33-anyos at Renan Dagta,17-anyos, pawang residente ng Sitio Parina ng baying nabanggit.
Sa ulat ni Major Dexter Panganiban, tagapagsalita ng Albay Police, dakong alas-4:25 ng hapon, kapwa mabilis na binabagtas ang highway ng magkasalubong na motorsiklo (IZ-7481) ng mga biktima at Toyota Grandia van (EAA-6772) na minamaneho ni Jerry Bartolay, 49-anyos ng Brgy. San Roque, Daraga.
Gayunman, pagdating sa naturang lugar ay malakas na nagsalpukan ang dalawang sasakyan dahilan para malasog ang katawan ng mga biktima na kanilang ikinamatay.
- Latest
