Koleksyon ng BIR bumaba ng 32 percent

MANILA, Philippines — Nasa 32 porsyento o P226 bilyon ang ibinaba sa total collections ng Bureau of Internal Revenue (BIR) mula Enero 2020 hanggang kalagitnaan ng April 2020 na umaabot na lamang sa P480.64 bil­yon dahil sa enhanced community quarantine (ECQ) sa  Luzon dulot ng COVID-19.

Dahil sa bumabang koleksiyon, nagkaroon ng  short na P398.54 bilyon  sa kabuuang target collection na P879.18 bilyon para sa Enero 1 hanggang Abril 15, 2020.

Sa Mayo 30, ang extended date ng filing ng ITR at pagbabayad ng buwis nang ipatupad ng Malacañang ang lockdown hanggang Abril 30, samantalang ang submission ng attachments para sa nai-file na ITR online ay exten­ded hanggang Hunyo 15.