Trike driver inutas ng pasahero
MANILA, Philippines — Dead-on-the-spot ang tricycle driver na si Mario Marana, 46, isa ring barangay tanod matapos barilin sa ulo ng kanyang naging pasahero kamakalawa sa Brgy. Kinabuhayan, Dolores, Quezon.
Batay sa inisyal na imbestigasyon, dakong alas-8:30 ng umaga ay binabagtas ng biktima ang highway sakay ng kanyang tricycle pagsapit sa Bangkong Kahoy valley ay pumara ang isang lalaki.
Sa loob ng sasakyan ay nagkaroon umano ng pagtatalo ang dalawa hanggang bumunot ng kalibre 45 ang suspek at makailang beses na pinaputukan ang biktima.
Nang bumulagta ang biktima ay mabilis na bumaba ang suspek at tumakas.
- Latest