82,068 katao na ang inilikas
MANILA, Philippines — Lumobo na sa 18,000 pamilya o kabuuang 82,068 katao ang inilikas sa iba’t ibang evacuation center sanhi ng matinding epekto ng phreatic explosion ng Taal volcano.
Ito ang iniulat kahapon ni Joselito Castro, hepe ng Provincial Disaster Risk Reduction and Management Office (PDRRMO) ng Batangas.
Ang nasabing data na iniulat ng PDRRMO ay higit na mataas sa bilang na inireport ng National Disaster Risk Reduction and Management Council (NDRMMC).
Sa update ng NDRRMC nitong Miyerkules ng umaga, nakapagtala ng 12,486 pamilya o 53,019 katao na naapektuhan sa pagputok ng Taal volcano sa 24 lungsod at mga bayan ng Batangas at lima naman sa mga bayan at isang lungsod sa Cavite at Laguna.
Sa nasabing bilang, nasa 10,000 o 43,681katao ang nanunuluyan sa 217 evacuation centers.
- Latest
